បណ្ដាជំហានថែរក្សាស្បែកប្រចាំថ្ងៃមិនគួររំលង

មនុស្ស​ស្រីណាក៏ប្រាថ្នាចង់បានស្បែកស្រស់ស្អាត មានសុខភាពល្អនិងគ្មានមុន។ ដូច្នេះ ស្រី្តជាច្រើនមិនស្តាយថវិការដើម្បីទិញមក​ច្រើន ប៉ុន្តែមិនដឹងពីរបៀបថែរក្សាស្បែកមុខឱ្យមានប្រសិទ្ធិភាព ក៏ស្បែកនៅតែមិនទទួលបានអ្វីដែលចង់បាន។​ សូមយោងទៅតាមអាថ៌កំបាំងដូចខាងក្រោម។

ជំហានថែរក្សស្បែកមុខជារៀងរាល់ថ្ងៃ

ជាធម្មតា ស្រី្តម្នាក់ៗនឹងមានទម្លាប់ថែរក្សាស្បែកប្រចាំថ្ងៃដោយខ្លួនឯងដោយផ្សេង​គ្នា។ មូលហេតុគឺមនុស្សម្នាក់ៗនឹងមានប្រភេទស្បែកខុសៗគ្នា ហើយត្រូវការការថែទាំស្បែកសមស្រប។ ប៉ុន្តែទូទៅនឹងមានជំហានជាមូលដ្ឋានដូចខាងក្រោម៖

សម្អាតស្បែក

ការលាងមុខគឺជាជំហានដំបូងក្នុងដំណើរការថែរក្សាស្បែកប្រចាំថ្ងៃ។ វាជួយបំបាត់ជាតិខ្លាញ់ កខ្វក់ ប្រេងលើសនិងបាក់តេរីនៅលើស្បែក។ ដោយហេតុនោះ ធ្វើឱ្យរន្ធញើសមាន​ភាពប្រសើរឡើង កាត់បន្ថយហានិភ័យកើតមុន។ ប៉ុន្តែ ប្រសិនបើអ្នកមានការតុបតែងមុខ សូម្បីគ្រាន់តែប្រើក្រែមការពារកម្តៅថ្ងៃ ត្រូវចាំថាសម្អាតមុខ​មុនសិន។

ជារៀងរាល់ថ្ងៃ អ្នកគួរតែលាងមុខរបស់អ្នកជាមួយនឹងឡេសម្អាតមុខ 2 – 3 ដងនៅពេលព្រឹក ពេលថ្ងៃត្រង់ និងពេលល្ងាចមកដល់ផ្ទះ។ ប្រសិនបើស្បែករបស់អ្នកស្ងួតអ្នកគ្រាន់តែលាង 2 ដងក្នុងមួយថ្ងៃ។

ខាត់ស្បែក

ការខាត់ស្បែកជួយកម្ចាត់កោសិកាចាស់ ជម្រុញការបង្កើតស្បែកឡើងវិញ។ ការនេះនឹងជួយឱ្យមានសារធាតុពីឡេបំប៉ន សេរ៉ូម ។ល។ ​​ជ្រាបចូលទៅក្នុងស្បែកកាន់តែជ្រៅ។ ប្រសិនបើមិនបំបាត់កោសិកាស្បែកងាប់ចេញនឹងធ្វើឱ្យបន្ថយការប៉ះពាល់ដល់សមត្ថភាពរបស់ស្បែកក្នុងការស្រូបយកសារធាតុចិញ្ចឹម។

ប៉ុន្តែ អ្នកមិនគួរខាត់ស្បែក​ជា​រៀងរាល់ថ្ងៃឡើយ។ ជំនួសនឹងនោះគួរតែខាត់ស្បែក 2 – 3 ​ដង/សប្តាហ៏ ដើម្បីជៀសវាងស្ថានភាពស្បែកស្ងួត ធ្វើឱ្យស្បែកស្រអាប់ដោយខ្វះជាតិសំណើម ។ល។ អ្នកអាចជ្រើសរើសផលិតផលខាត់ស្បែកពីធម្មជាតិនៅលើទីផ្សា ឬងាយស្រួលបំផុតគឺប្រើផលិតផលធម្មជាតិដូចជា៖ ស្ក​ខ្មៅ ក្រូចឆ្មា។ល។ 

ប្រើ Toner (ទឹកក្រអូបផ្កាកុលាប) & ក្រែមការពារកម្តៅថ្ងៃ 

ក្រោយពេលលាងសម្អាតមុខ និងខាត់ស្បែក គួរប្រើ Toner ដើម្បីជួយលំនឹងកម្រិត pH នៃស្បែក។ ទន្ទឹមនឹងជំហាននេះក៏មានប្រសិទ្ធភាពដើម្បីសម្អាតរន្ធញើសនៃស្បែកឱ្យបានជ្រៅ។ Toner មានប្រសិទ្ធភាពជួយបង្រួមរន្ធញើសធ្វើឱ្យស្បែកមានសំណើមនិងជួយឱ្យស្បែករលោងជាង។

ប្រសិនបើអ្នកបំប៉នស្បែក នៅពេលព្រឹកមុនពេលចេញទៅក្រៅ ត្រូវអ្នកកុំភ្លេចលាបក្រែមការពារកម្តៅថ្ងៃ ក្រោយជំហានលំនឹងស្បែក​ដោយ Toner។ ការលាបក្រែមការពារកម្តៅថ្ងៃមានសារៈសំខាន់ខ្លាំងណាស់ ព្រោះអាចជួយការពារស្បែកពីផលប៉ះពាល់នៃកាំរស្មី UV។

បិទម៉ាសមុខ

បិទម៉ាសមុខជួយឱ្យស្បែកមានភាពធូរស្បើយនិងមានសំណើម ស្បែកមានភាពរឹងមាំនិងពោរពេញទៅដោយកម្លាំង​រស់។ រាល់សប្តាហ៍អ្នកត្រូវបិទម៉ាសពី 2 – 3 ដងដើម្បីផ្តល់ងសារធាតុបំប៉នឱ្យ​ស្បែកបន្ថែមទៀត។ ប្រសិនបើស្បែករបស់អ្នកជាប្រភេទស្បែកងាយប្រតិកម្ម ប្រភេទម៉ាសបិទមុខផលិតពីធម្មជាតិនឹងជាជម្រើសដ៏ល្អឥតខ្ចោះ។

សេរ៉ូម

សេរ៉ូម គឺជាខ្លឹមសារដែលប្រមូលផ្តុំមានផ្ទុកសារធាតុបំប៉នជាច្រើន ដែលមានសមត្ថភាពជ្រាបចូលទៅក្នុងកោសិកានីមួយៗ ជួយស្តារឡើងវិញពីខាងក្នុងជ្រៅ។ សេរ៉ូមច្រើនតែមានផលប៉ះពាល់ពិសេសដូចជា៖ សេរ៉ូមប្រឆាំងភាពចាស់ សេរ៉ូមធ្វើឱ្យស្បែកស សេរ៉ូមព្យាបាលស្នាមជាំ សេរ៉ូមជួយស្តារស្បែកឡើងវិញ។ល។

ក្រែមបំប៉នស្បែក​/ ក្រែមផ្តល់សំណើម

ក្រែមបំប៉នស្បែក និងក្រែបផ្តល់សំណើមមានសារៈសំខាន់ណាស់។ នេះជាជំហានជួយបង្កើនក៏ដូចរារាំងសារធាតុបំប៉ននៅ​ជំហានខាងលើ។ អ្នកត្រូវមានការចំណាំថា មិនយកក្រែមបំប៉នពេលយប់ប្រើពេលថ្ងៃនិងផ្ទុយមកវិញ ដើម្បីធានាផលិតផលអាចអនុវត្តឱ្យបានត្រឹមត្រូវ។

ជំហានថែរក្សាស្បែក “ស្តង់ដារស្ប៉ា” ជារៀងរាល់ថ្ងៃ

ប្រសិនបើ អ្នកកំពុង​ជួប​ប្រទះពីបញ្ហាដូចជា៖ មុន ស្នាមជាំ អុជខ្មៅ ។ល។   អ្នកត្រូវការផ្តល់បន្ថែមជំហានព្យាបាល។ ក្រោយពេលប្រើផលិតផលក្នុងដំណាក់កាលព្យាបាល អ្នកគួរទុកស្បែកពី 15 – 30 នាទី ដើម្បីលំនឹង​កម្រិត pH ធម្មជាតិ។

នៅពេលអាកាសធាតុត្រជាក់ ស្បែករបស់យើងច្រើនតែស្ងួត។ នៅពេលនេះ អ្នកគួរតែបន្ថែមការប្រើរម៉ាសបិទមុខចូលនឹងជំហានថែរក្សាស្បែកប្រចាំថ្ងៃ។ ម៉ាសបិទមុខនឹងជួយផ្តល់ទឹកនិងសំណើមដល់ស្បែក។ នេះគឺជាជំហានថែរក្សាស្បែកដ៏ពេញនិយមមួយនៅក្នុងប្រទេសកូរ៉េ។

ដំណើរការថែរក្សាស្បែកពេលព្រឹក៖

1. លាងសម្អាតមុខ
2. ប្រើដោយទឹកស្អាត
3. បំបាត់កោសិកា
4. សេរ៉ូម
5. ក្រែមផ្តល់សំណើម និងក្រែមការពារកម្តៅថ្ងៃ
6. ជ្រើសរើស៖ ផលិតផលព្យាបាល (ប្រើមុនពេលលាបក្រែមផ្តល់សំណើម ឬក្រែមការពារកម្តៅថ្ងៃ)

ដំណើរការថែរក្សាស្បែកនៅពេលយប់៖

1. លាងសម្អាតមុខ
2. ប្រើដោយទឹកស្អាត
3. បំបាត់​កោសិកា
4. សេរ៉ូម
5. ក្រែមផ្តល់សំណើម
6. ជ្រើសរើស៖ ផលិតផលព្យាបាល (ប្រើមុនពេលលាបក្រែមផ្តល់សំណើមឬក្រែមបំប៉ន)

ត្រូវការកត់សម្គាល់អ្វីក្នុងការថែរក្សាស្បែកមុខប្រចាំថ្ងៃ?

លាបស្បែកតាមលំដាប់លំដោយ

អ្នកមួយជំនួនមានការលាបក្រែមតាមរបៀបអូសបណ្តោយចុះក្រោមពេលបំប៉នស្បែក ជាពិសេសនៅជំហានសម្អាត។ ប្រសិនបើរក្សាទម្លាប់នេះក្នុងការថែរក្សាស្បែកជារៀងរាល់ថ្ងៃ ស្បែកមុខរបស់អ្នកនឹងឆាប់ចាស់និងរធ្លាក់យារ។

អ្នកត្រូវតែលាបក្រែមតាមលំដាប់ឡើងលើ ឬលាបស្បែកថ្នមៗដើម្បីសារធាតុបំប៉នជ្រាប​ចូល​ស្បែក។ ក្រៅពីនេះ អ្នកក៏អាចអនុវត្ត​បន្ថែមការម៉ាស្សាមុខ ដើម្បីបង្កើនចរាចរឈាម ក៏ដូចជាការធ្វើឱ្យបន្តឹងស្បែកមុខដោយធម្មជាតិ។

ជ្រើសរើសផលិតផលដែលសមស្របសម្រាប់ស្បែក

អ្នកជំនាញកែ​សម្ផស្សជាច្រើនមាន​អនុសាសន៍​ថា៖ អ្នកគួរតែជ្រើសរើសផលិតផលណាដែលសមស្របសម្រាប់ស្បែកជាងផលិតផលមានតម្លៃថ្លៃ។ ដូច្នោះហើយ ស្បែកត្រូវបានបែងចែកជា 4 ប្រភេទយោងតាមសមាមាត្រប្រេងនិងទឹករួមមាន៖ ស្បែកធម្មតា ស្បែកខ្លាញ់ ស្បែកស្ងួតនិងស្បែកជាល្បាយ។ ហេតុនោះហើយ ពេលដែលជ្រើសរើសផលិតផលណាមួយសម្រាប់ស្បែក អ្នកគួរតែមើលព័ត៌មាននិងអនុសាសន៍សម្រាប់ស្បែកណាពីអ្នកផលិត។

មានសកម្មភាពរស់​នៅបែបវិទ្យាសាស្ត្រនិងសុខភាពល្អ

ស្បែកមាន​ភាពស្រស់ស្អាត ប្រសិនបើរាងកាយអ្នកមានសុខភាពល្អ។ ដូច្នេះ អ្នកគួរតែមានសកម្មភាពរស់​នៅបែបវិទ្យាសាស្ត្រដូចជា៖ ការបរិភោគអាហារគ្រប់​គ្រាន់ ការហាត់ប្រាណ ជាទៀងទាត់ ជៀសវាងការគេងយប់ជ្រៅ ។ល។ ជាពិសេសអ្នកគួរតែបន្ថយ ការស្ត្រេសនិងមានការសម្រាកត្រឹមត្រូវ។

អនុវត្តតាមគ្រប់ជំហានថែរក្សាស្បែកមុខជារៀងរាល់ថ្ងៃមានផលប៉ះពាល់ជួយធ្វើឱ្យស្បែកភ្លឺ ថ្លា មានសុខភាពល្អ និងកាត់បន្ថយដំណើរការចាស់ និងរួម​បញ្ចូលជាមួយសកម្មភាពរស់​នៅបែបវិទ្យាសាស្ត្រ ប្រាកដជានឹងទទួល​បានស្បែកស្រស់​ស្អាត ក៏ដូចជារាងកាយដែលមានសុខភាពល្អ។